FIFA-nyň fewral aýy boýunça täzelenen reýtinginde Türkmenistan 129-njy ýerde bolmagynda galdy. Dekabr aýyndaky hasabatda hem ýurdumyz şu derejede saklanýardy. Şol wagtdan bäri, Ante Mişäniň topary milli ýygyndylar bilen resmi halkara duşuşyklary geçirmändi. Aziýanyň futbol konfederasiýasynyň wekilleriniň arasynda Türkmenistan 24-nji ýerde. Bu barada Turkmenportal FIFA-nyň resmi saýtyna salgylanyp habar berýär.
Reýtingde birinji ýeri, öňküsi ýaly, Belgiýa saklap galdy. Ikinji ýerde Fransiýa. Üçünji orunda Braziliýa, soňra Angliýa, Urugwaý we Horwatiýa.
Dünýä çempionaty 2022-ä saýlaw tapgyry boýunça Türkmenistanyň garşydaşlary reýtingde şu ýerleri eýeleýär: Koreýa Respublikasy (40-njy), Liwan (89-njy), KHDR (116-njy), Şri-Lanka (206-njy).
Türkmenistanyň ýygyndysy FIFA-nyň täzelenen reýtinginde öňki ýerini saklap galdy
- 22.02.2020 22:02
- 6.3k+
