Messi: “Meniň pikirimçe, Neýmar “Barselona” dolanmak isleýär”

“Barselonanyň” hüjümçisi Lionel Messi “Mundo Deportivo” sport gazetine beren interwýusynda “PSŽ-niň” hüjümçisi Neýmaryň katalon klubyna dolanmak isleýändigi baradaky gürrüňlere teswir berdi.
— Neýmar dünýäde iň gowy oýunçylaryň biri. Men onuň dolanmagyny isleýärin. Ol biziň bilen hem meýdançada, hem ondan daşarda wagtyny şadyýan geçirýärdi, ol bagtlydy. Köpler onuň gitmeginden nägile boldular, biz ony saklamaga çalyşdyk. Şeýle-de bolsa, biziň hemmämiz gowy ýaşamaga ýykgyn edýäris. Meniň pikirimçe, ol gidenine gynanýar we dolanmak isleýär – diýip, Messi belleýär.
Muňa garamazdan, Neýmar ýaňy-ýakynda mundan beýläk hem Pariž kluby üçin çykyş etmäge taýýardygyny habar berdi.
Ýöne “PSŽ-niň” ýolbaşçylary braziliýaly hüjümçi bilen täze şertnama barada gepleşikleri geçirmäge howluganok.
Çeşmäniň habar bermegine görä, 28 ýaşly Neýmar “PSŽ-de” galmak we fransuz kluby bilen täze şertnama gol çekmek isleýär, emma gepleşikler heniz başlamady.
2019-njy ýylyň tomsunda futbolçynyň “Barselona” dolanmaga ýakyn bolandygy, ýöne transferiň amala aşmandygy we onuň Fransiýada galandygy bellenilýär.
Neýmaryň “PSŽ” bilen häzirki şertnamasy 2022-nji ýylyň iýun aýynyň ahyryna çenli niýetlenilen.
Liga 1-iň häzirki möwsüminde Neýmar Tomas Tuheliň toparynyň 14 oýnunda 13 gezek goly we 6 gezek pökgini netijeli geçirmesi bilen bellige alyndy.