UFC-niň ýeňil agramda ozalky wagtlaýyn çempiony Dastin Porýe diwizionyň birinji belgisi bolan Toni Fergýuson Habib Nurmagomedow üçin uly mesele bolar diýip pikir etmeýär.
“Bu MMA, munda her zat bolup biler, ýöne meniň pikirimçe, bäsdeş hökmünde Habib Fergýusondan gowy” – diýip, Porýe “Ariel Helwaniň MMA-şou-y” çykyşynda belleýär. “Eger-de Kewin Li, şol sanda Denni Kastilýo hem Toniden üstün çykyp bilen bolsa, Habib hem muny gürrüňsiz başarar”.
Porýeniň aýtmagyna görä, çempion üçin iň howply garşydaş özüniň watandaşy Jastin Geýtji bolup durýar.
“Ol gözenekde gowy goranar, eger-de Habib ony ýyksa-da, ol galmagy başarar. Meniň pikirimçe, töwekgelçilik etmegi söýýän, şonuň bilen birlikde oňat pälwan bazasyna eýe bolan şeýle ýigit oňa mesele döredip biler”.
Ýatladyp geçsek, ýeňil agramda Habib Nurmagomedow bilen Toni Fergýusonyň arasyndaky titul göreşi 18-nji aprelde Bruklinde geçiriljek UFC 249 turniriniň esasy wakasy bolar.
Dastin Porýe Habib bilen Fergýusonyň göreşi barada çaklama öňe sürdi
- 18.02.2020 22:03
- 7.2k+
