Jared Kannonýe şikesi sebäpli näbelli möhlet bilen çykýar

UFC-niň ýeňil agramlylarynyň reýtinginiň dördünji belgisi Jared Kannonýe Darren Till bilen göreşe çykmaz. Ol döş myşsasynyň şikesi sebäpli, UFC 248 turnirinden aýrylmak bilen Israel Adesanýeniň we Ýoel Romeriň titul göreşine hem gözegçilik edip bilmez.
Bu barada amerikaly göreşiji potensial garşydaşyna ýüzlenmek bilen Instagramda habar berdi, diýip fighttime.ru belleýär.
“Darren Till, men seniň dogumlylyk bilen göreşi kabul etmek kararyna gelendigiňe şat” – diýip, Kannonýe ýazýar. “Ýöne bu men çep kükrek myşsama zeper ýetirenimden iki günden soň boldy. Sişenbe güni men operasiýa etdirýärin. Eger-de sen orta diwizionda galmagyňy dowam etdirseň, men seniň bilen güýzde çözlüşerin”.
Ýatladyp geçsek, Kannonýe tapgyrlaýyn çäräniň çäklerinde Robert Uittaker bilen uruşmalydy, ýöne UFC-niň eks-çempiony şahsy sebäpleri bilen göreşe gatnaşyjylaryň sanawyndan çykdy. Şundan soň Till onuň bilen göreşe razy boldy, muňa garamazdan, iki gün mundan öň, britaniýaly göreşiji Donald Trampa açyk ýüz tutmak bilen, ABŞ-nyň prezidentine Birleşen Ştatlaryň territoriýasyna girmekde kynçylyk döredýän wiza meselesini çözmäge ýardam etmegi haýyş etdi.
Öň, UFC-niň prezidenti Dana Uaýt Jared Kannonýeniň UFC 248 turnirine 7-nji martda Las-Wegasda bu turnirdäki Israel Adesanýe bilen Ýoelem Romeronyň arasyndaky titul göreşine ätiýaçdaky gatnaşyjy hökmünde taýýarlanmagyny dowam etdirjekdigini habar berdi.