Garyşyk başa-baş göreşiň rus göreşijisi, UFC-niň ýeňil agram boýunça çempiony Habib Nurmagomedow amerikaly Toni Fergýuson bilen boljak göreşe taýýarlanmak üçin 10-njy fewralda ABŞ-a uçdy. Bu barada news.sportbox.ru habar berýär.
«10-njy fewralda Ştata uçýaryn, meni goldaýanyňyz üçin minnetdar» – diýip, Nurmagomedow Global Fighting Championship (FGC) promouşeniň turniriniň çäklerinde geçirilen press-konferensiýada aýtdy. Bu press-konferensiýa ýekşenbe güni Saratowda geçdi.
Habib 2012-nji ýyldan bäri türgenleşik geçýän ýeri bolan AKA zalynda taýýarlyk görer. Onuň klubdaşy iki kategoriýa boýunça UFC-niň eks-çempiony Deniel Kormýe.
Ýatladyp geçsek, Nurmagomedow bilen Fergýusonyň titul göreşi 18-nji aprelde Bruklinde UFC 249 turnirinde geçiriler.
31-ýaşly Nurmagomedow garyşyk başa-baş göreş boýunça 28 göreşe gatnaşyp, 28 gezek ýeňiş gazandy. UFC-de rus göreşijisiniň hasabynda 12 göreşde 12 ýeňişi bar. 35-ýaşly Fergýusonyň hasabynda MMA-da 28 göreşi bar, olarda 25 gezek ýeňiş gazandy, 3 gezek ýeňildi.
Nurmagomedow Fergýuson bilen göreşe taýýarlanmak üçin ABŞ-a uçdy
- 11.02.2020 22:50
- 8.8k+
