Internetde Samsung «akylly» sagatlarynyň täze modeli barada täze maglumatlar peýda boldy. Bu maglumatlar bilen «SamMobile» tematiki resursyna salgylanmak bilen ixbt.com web-saýty paýlaşdy.
Geçen hepde bu çeşme Galaxy watch 2 sagatlarynyň 8 Gb rekord göwrümli içki ýada eýe boljakdygy barada habar berdi.
Çeşmäniň maglumatlaryna görä, täze sagatlar Watch Active 2 sagatlary ýaly polatdan edilen korpus wariantyna eýe bolarlar. Şeýle-de, Watch Active 2 ýaly sagatlar gara, kümüşsöw we altyn ýaly üç reňkde hödürleniler. Polat modeli satuwa başlanan wagtynda diňe kümüşsöw we altyn reňklerde çykar.
Häzirlikçe, SamMobile anyk ady atlandyrmakdan saklanýar. Bu Galaxy Watch 2 hem, Galaxy Watch Active 3 hem bolup biler. Täze sagadyň aýlanýan apparat bezeline eýe boljakdygy hem heniz belli däl.
Muňa garamazdan, sagatlaryň iki ölçegde hödürleniljekdigi belli, olaryň ikisi hem LTE we Wi-Fi bilen üpjün ediler. Kiçi modeli 330 mA/sag sygymly akkumulýatora eýe bolar, bu bolsa 40 mm göwrümli Galaxy Watch 2 Active sagadyndaky 246 mA/sag-dan ep-esli ýokarydyr.
Täze sagatlaryň resmi görkezilişine ýylyň ikinji ýarymynda Galaxy Note 20-iň anonsy bilen birwagtda bolmagyna garaşylýar.
Samsungyň «akylly» sagatlarynyň täze nusgalary barada täze maglumatlar peýda boldy
- 10.02.2020 22:15
- 3.2k+
