Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 35-si hasaba alyndy.
Daşary ýurt puluna Owganystandan, Türkiýeden we beýleki ýurtlardan telekeçiler Türkmenbaşynyň nebiti gaýtadan işleýän zawodlar toplumynda işlenip taýýarlanylan awtobenzin, nebit koksuny, şeýle hem «Türkmengaz» döwlet konserninde öndürilen ýokary dykyzlykdaky polietileni satyn aldylar.
Mundan başga-da, daşary ýurt puluna Birleşen Arap Emirlikleriniň işewür toparlarynyň wekilleri nah ýüplügini satyn aldylar. Geleşikleriň jemi bahasy ABŞ-nyň 11 million 371 müň dollaryndan gowrak boldy.
Manat serişdelerine Birleşen Arap Emirliklerinden, Türkiýeden, Beýik Britaniýadan gelen işewürler jemi bahasy 1 million 260 müň manatdan gowraklyk buýan kökli çaý we nah ýüplügi satyn aldylar.
Ýurdumyzyň telekeçileri içerki bazar üçin «Türkmengaz» döwlet konserninde öndürilen, jemi bahasy 15 million 429 müň manatlykdan gowrak ýokary dykyzlykdaky polietileni we pagta süýümini satyn aldylar.
Geçen hepde boýunça Türkmenistanyň birža täzelikleri
- 08.02.2020 23:39
- 2.5k+
