Türkmenistanyň Prezidenti şu gün Serdar Berdimuhamedowy Ahal welaýatynyň häkimi wezipesinden boşatmak we ony senagat we gurluşyk önümçiligi ministri wezipesine bellemek hakynda resminama gol çekdi. Täze edara Türkmenistanyň Prezidentiniň degişli karary esasynda öňki Türkmenistanyň senagat we kommunikasiýa ministrliginiň we onuň «Türkmensenagat» agentliginiň binýadynda döredildi, diýip döwlet Baştutanynyň metbugat gullugy habar berýär.
Resminama laýyklykda, aragatnaşyk we kommunikasiýa, şeýle hem awtomobil, demir ýol, howa we deňiz ulaglary agentlikleri Türkmenistanyň Ministrler Kabinetiniň garamagyna berildi.
Türkmenistanyň senagat we gurluşyk önümçiligi ministrligine we ady agzalan agentliklere şu Karardan gelip çykýan üýtgetmeleri we goşmaçalary Türkmenistanyň kanunçylygyna girizmek baradaky teklipleri bir aý möhletde taýýarlamak hem-de Ministrler Kabinetine bermek tabşyryldy.
Serdar Berdimuhamedow senagat we gurluşyk önümçiligi ministri wezipesine bellenildi
- 07.02.2020 22:29
- 14k+
