Habib Nurmagomedow saud şeýhleriniň teklibine jogap berdi

UFC-niň ýeňil agram boýunça çempiony Habib Nurmagomedow ähli ünsüni Toni Fergýuson bilen boljak göreşinde jemleýär hem-de Saud Arabystanyň şeýhleriniň rus göreşijisine Konor Makgregor bilen rewanş üçin ýüz million dollar hödürländiklerine garamazdan, bu rewanşy geçirmek ähtimallygy barada pikir etmeýär.
«Bu pullary maňa bermek nämä gerek? Bu pula hakykatdan mätäç bolan birnäçe guramalar bar, ahyryn. Körleriň arasynda diňe bir futbol däl, sambo hem bar we maýyplar üçin sportuň beýleki görnüşleri hem bar. Eger olar puly sowmaga ýer tapmaýan bolsalar, goý, şolara bersinler. Maňa bolsa, bu samsygy ýene bir gezek urmak üçin ýüz million dollar bermek, meniň pikirimçe, bu ýerlikli däl» - diýip, Nurmagomedow Kaspiýskide körleriň arasynda futbol boýunça geçirilen turnirden soň press-konferensiýada aýtdy.
«Häzir men Toni Fergýuson bilen boljak göreşde ünsümi jemleýärin, Konor Makgregor bilen rewanş bolsa meniň üçin gyzykly däl. Hemmeler oktagonyň içinde näme bolandygyny gördüler. Men göreşiň gidişini kontrollykda sakladym. Hemme islän zadymy hem etdim. Ol ýeňlendigini boýun hem aldy. Şundan soň rewanş barada nähili gürrüň bolup biler?».
Öň, Habib Nurmagomedowyň menejeri Ali Abdelaziz saud milliarderleriniň olara Konor Makgregor bilen rewanşy hem-de boks boýunça Floýd Meýwezer bilen duşuşygy Saud Arabystanda geçse, onda olaryň hersi üçin ýüz million dollar tölemegä taýýardyklaryny habar berdi.
Ýatladyp geçsek, ýeňil agramda Habib Nurmagomedow bilen Toni Fergýusonyň arasynda titul göreşi 18-nji aprelde Bruklinde UFC 249 turnirinde geçer.