Ispan HBS-i «Barselonanyň» hüjümçisi Lionel Messi bilen toparyň goragçysy Žerar Pikeniň arasyndaky dawa barada habar berdiler.
Çeşmäniň maglumatlaryna görä, geçen sişenbe güni katalon toparynyň iki futbolçysy türgenleşikdäki ikitaraplaýyn oýun wagtynda çaknyşýarlar. Oýunçylar biri-birine batly ses bilen nägilelik bildirip başlaýarlar. Dawany çözmek üçin olaryň ýoldaşlary goşulmaly bolýar, bu hereketler uruşmak derejesine baryp ýetmeýär.
Belläp geçsek, 25-nji ýanwarda «Barselona» «Walensiýadan» (0:2) ýeňildi, 2-nji fewralda topar «Lewanteni» (2:1) ýeňdi.
Häzirki wagtda katalonlylar Ispaniýanyň premýerasynyň turnir tablisasynda ikinji orny eýeleýär, olar «Realdan» üç utuk bilen yza galýarlar.
Ýatladyp geçsek, 13-nji ýanwarda «Barselona» Ernesto Walwerdeniň işden gidendigini habar berdi. Topara indi Kike Setýen ýolbaşçylyk edýär.
HBS: Messi bilen Pike «Barselonanyň» türgenleşiginde dawa etdiler
- 04.02.2020 23:41
- 6.3k+
