UFC-niň ýeňil agram boýunça ozalky wagtlaýyn çempiony Dastin Porýe grepplingiň düzgüni boýunça göreş geçirer, bu barada BJ Penn habar berýär. Onuň garşydaşy göreş sungatynyň ussady we jiu-jitsu boýunça gara guşagyň eýesi Garri Tonon bolar. Duşuşyk 21-nji fewralda Maýamide geçer (Florida ştaty, ABŞ).
Dastin Porýe – UFC-niň reýtinginde ýeňil agram boýunça ikinji belgili göreşiji. Onuň ozalky göreşi sentýabrda UFC 242 turnirinde geçdi. Agşamyň esasy göreşinde ol guramanyň çempiony Habib Nurmagomedow bilen duşuşdy we ondan ýeňildi.
Garyşyk başa-baş göreşde Porýe jemi 32 göreşe gatnaşdy. Olaryň 25-sinde ýeňiş gazandy, alty gezek ýeňildi, bir göreş bolsa bolmadyk diýlip hasap edildi.
Ýaňy-ýakynda Porýe UFC-de indiki gezek Konor Makgregor ýa-da Neýt Dias bilen göreşmek isleýändigini duýdurdy.
Porýe greppling düzgüni boýunça göreş geçirer
- 03.02.2020 23:01
- 3.6k+
