«PSŽ-niň» hüjümçisi Neýmar Fransiýanyň çempionatynyň 22-nji tapgyrynda «Monpelýe» (5:0) garşy duşuşykda baş eminiň hereketlerinden nägile boldy.
Ýatladyp geçsek, duşuşygyň 38-nji minudynda braziliýaly oýunçy myhmanyň oýunçysy Arno Sukä topy nädogry berip, soňundan ony üstünden gülüji äheňde utup aldy. Şundan soň baş arbitr Žerom Brizar futbolistiň hereketini kemsidiji diýip hasap etmek bilen, hüjümçä sary kartoçkany görkezdi.
Oýnuň arakesmesinde hüjümçi klubyň ýarym goragçysy Marko Werrattä eminden zeýrenip başlady: «Men futbol oýnaýaryn, ol bolsa maňa sary kartoçkany görkezýär! Onuň maňa sary berip bilmeýändigini oňa aýt». Brizar onuň sözüni diňläp, ony köşeşmäge çagyrdy. 27 ýaşly oýunçy muňa sögünç sözler bilen gygyryp jogap berdi. Şol sözleri üçin Neýmaryň diskwalifisirlenip biljekdigi habar berilýär.
Häzirki möwsümde Neýmar «PSŽ» kluby üçin 18 oýna gatnaşdy, olarda 15 gezek gol saldy we 10 gezek pökgini netijeli geçirdi.
22 tapgyrdan soň «PSŽ» Fransiýanyň çempionatynyň turnir tablisasynda birinji orny eýeleýär, onuň hasabynda 55 utuk bar.
Neýmar «Monpelýe» bilen oýunda emini kemsideni üçin diskwalifisirlenip bilner
- 03.02.2020 22:55
- 3.4k+
