Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 40-sy hasaba alyndy.
Daşary ýurt puluna Russiýadan gelen telekeçiler ýokary dykyzlykdaky polietileni, Türkiýäniň we Özbegistanyň işewür toparlarynyň wekilleri – degişlilikde nah ýüplügini we reňksiz list aýna satyn aldylar. Geleşikleriň umumy bahasy ABŞ-nyň 1 million 220 müň dollaryndan gowrak boldy.
Manat serişdelerine Birleşen Arap Emirliklerinden, Türkiýeden, Pakistandan hem-de Gazagystandan gelen işewürler jemi bahasy 12 million manatdan gowrak bolan nah ýüplügi satyn aldylar.
Ýurdumyzyň telekeçileri içerki bazar üçin jemi bahasy 12 million 490 müň manatdan gowrak bolan ýokary dykyzlykdaky polietilenini hem-de pagta süýümini satyn aldylar.
Geçen hepde boýunça Türkmenistanyň birža täzelikleri
- 02.02.2020 14:11
- 3.3k+
