Ispaniýanyň «Barselona» klubynyň hüjümçisi Lionel Messi rekord üstünliklerini gazanmagyny dowam etdirýär. Katalonlylaryň Ispaniýanyň kubogynyň 1/8 final oýnunda ol «Leganesi» (5:0) uly hasap bilen ýeňmäge öz goşandyny goşdy we ýeňşiniň sanyny tutuş ispan turniri boýunça (çempionat, Kubok, Superkubok) 500-e ýetirdi.
Netijede, 32 ýaşly argentinaly futbolçy şeýle üstünlige ýeten ilkinji oýunçy boldy. «500» belgä ýetmäge şu futbolçylar ýakyn gelipdiler: Hawi (482 ýeňiş), Iker Kasilýas (463) we Andres Inýesta (459).
«Leganes» bilen bolan oýunda dubl geçiren Messiniň tutuş ispan turniri boýunça geçiren pökgüleriniň sanyny hem 500-e ýetirendigini belläp geçmek gerek.
Ýatladyp geçsek, ýakynda futbol agenti Frensis Nkwain Messiniň katalon klubyndan gitmek kararyna gelse, «Liwerpula» geçmeginiň mümkindigini hem habar berdi.
— «Liwerpulda» häzir «altyn ortalyk» hereket edýär, olar özlerine bir zatlary goşup bilýärler. Eger-de Messi güýçli liga çagyryş üçin «Barselonadan» gitse, «Liwerpul» onuň gidip biljek kluby — diýip, «Daily star» gazeti agentiň sözlerini getirýär.
Messi rekordlary eýelemegini dowam etdirýär: ispan turnirinde 500 ýeňiş we 500 gol
- 01.02.2020 23:31
- 3k+
