«Cadena Cope» neşiriniň habar bermegine görä, Usman Dembeläniň oýunçylaryň hataryna, takmynan, 15 günden dolanyp barmagyna garaşylýar. Neşiriň maglumatlary boýunça, fransiýaly oýunçynyň saglygyny dikeltmek işleri oňat hem bökdençsiz geçýär.
Dembele Ispaniýanyň Kubogynyň penşenbe güni «Leganesa» garşy boljak oýnuny, şeýle-de çempionatyň 2-nji fewralda «Lewanta» garşy we 9-njy fewralda «Betisa» garşy boljak iki duşuşygyny hem geçirer.
Ýöne ol, degişlilikde, 16 we 22-nji fewralda geçjek «Hetafe» ýa-da «Eýbara» garşy duşuşyga çenli dolanar diýen umyt bar.
Häzirki wagtda «Barsanyň» esasy maksady – Dembeläni Çempionlar ligasynyň 1/8 oýnuna, ýagny fewral aýynyň 25-indäki «Napoli» klubyna garşy boljak oýna çenli dolamak. Eger-de fransuzyň dikelme depginini göz öňünde tutsak, munuň başa barmagy hem ahmal.
Ýatladyp geçsek, «Barselonanyň» hüjümçisi Usman Dembele Çempionlar ligasynyň «Borussiýa» Dortmund klubyna garşy oýnunda uýlugyna şikes ýetmä sezewar boldy.
Dembeläniň meýdança dolanjak wagty belli boldy
- 29.01.2020 23:33
- 3k+
