Irland göreşijisi Konor Makgregor UFC-niň täzelenen umumy reýtinginde (P4P) iki setir ýokary galdy. Indi guramanyň eks-çempiony 11-nji orunda ýerleşýär.
Ýeňil agramdakylaryň diwizionynda hem 31 ýaşly göreşiji bir setir ýokary galmak bilen Jastin Getjiden öňe geçdi we üçünji boldy.
Mundan başga-da, irlandiýaly ýarym orta diwiziona hem aralaşyp, 14-nji orunda ýerleşdi.
Ýatladyp geçsek, 19-njy ýanwarda geçen UFC 246 turnirinde Makgregor 40 sekundyň içinde amerikaly Donald Serronäni tehniki nokauta gidirdi.
Şu ýeňişden soň ýeňil agram boýunça UFC-niň ozalky wagtlaýyn çempiony Dastin Porýe hem özüniň Konor Makgregor bilen rewanş geçirmek isleýändigini mälim edendigini belläp geçmek gerek. Porýe özüniň Twitterinde şeýle posty getirýär:
«Ikinji belgili üçünji belgilä garşy? Geliň, gaýtalalyň» – Dastin ýazýar.
Şeýle-de, ol Makgregor bilen islendik ýerde, islendik wagt duşuşmaga taýýardygyny hem sözüniň üstüne goşýar.
Makgregor bilen Porýe 2014-nji ýylda duşuşypdy we şonda Konor üstün çykdy.
Makgregor UFC-niň umumy reýtinginde iki setir ýokary galdy
- 29.01.2020 23:11
- 5.9k+
