UFC-niň ýeňil agram boýunça çempiony Habib Nurmagomedowyň tälimçisi Hawýer Mendes öz göreşijisiniň Toni Fergýusona ýeterlik derejede hormat bilen garamasa, ondan ýeňiljekdigini öňünden aýtdy. Bu barada «Championat» saýtyna salgylanmak bilen «Sports.kz» portaly habar berýär.
«Ýatdan çykarmaň, Habib — bu kardiomaşyn. Fergýuson bäş raundlap göreşjek bolýar, Nurmagomedow muňa garşy däl. Men göreşde togtama bolar öýdemok, men bäş raundly göreşe garaşýaryn. Eminleriň çözgüdine we «derbi-dagyn edilmä» garaşýaryn.
Bu meniň öňünden çaklaýan we meniň pikirimçe, biziň etmäge taýýar bolan zadymyz. Munuň üçin biz göreşmeli bolan iň güýçli garşydaşymyza taýýarlyk görmeli. Bu garşydaş – Toni.
Fergýusony ýeňmek üçin ony hormatlamak gerek. Eger biz şeýle etmesek, onda ol bizi ýeňer. Onuň kardiosy bäş raunda çydamaga mümkinçilik berýär. Ýogsa-da, kimdir biri Habibi göreş wagtynda ýadaýan göreşiji diýip hasaplaýarmy?» – portal Mendesiň sözüni getirýär.
Ýatladyp geçsek, göreşijiler Bruklindäki UFC 249 turnirinde 18-nji aprelde duşuşarlar.
Nurmagomedowyň tälimçisi onuň Fergýusondan ýeňiljekdigini öňünden aýtdy we sebäbini beýan etdi
- 28.01.2020 21:32
- 13k+
