«Ýuwentus» bilen «Pari Sen-Žermeniň» oýunçylaryny alyş-çalyş etmekleri mümkin. Bu barada «L’Equipe» gazeti habar berýär.
Çeşmäniň maglumatlaryna laýyklykda, «Ýuwentusa» «PSŽ-niň» goragçysy Leýwin Kurzawanyň geçmegi ahmal. Oňa derek bolsa, «PSŽ» turin toparynyň goragçysy Mattia de Şilýo geçer. Klublar eýýäm alyş-çalyş etmek barada degişli gepleşikleri geçirýärler. Geljek birnäçe günüň içinde Kurzawanyň Italiýa ugramagyna garaşylýar.
Şu möwsümde 27 ýaşly De Şilýo «Ýuwentusyň» düzüminde 9 oýna gatnaşdy. Goragçynyň «Ýuwentus» bilen şertnamasy 2022-nji ýylyň tomsuna çenli niýetlenilen. Oýunçynyň bazar transfer gymmaty – € 12 mln.
27 ýaşly Kurzawa «PSŽ-niň» düzüminde 14 duşuşykda 1 gezek pökgini netijeli geçirdi. Goragçynyň parižliler bilen şertnamasy geljek tomusa çenli niýetlenilen. Oýunçynyň bazar transfer gymmaty – € 15 mln.
«Ýuwentus» bilen «PSŽ» oýunçylaryny alyş-çalyş etmek barada gepleşik geçirýär
- 25.01.2020 22:56
- 2.8k+
