«Pari Sen-Žermen-iň» we Fransiýanyň ýygyndy toparynyň hüjümçisi Kilian Mbappe öz karýerasynda «Ýuwentusyň» hüjümçisi Kriştianu Ronaldunyň göreldesine eýermek isleýändigi barada aýtdy.
«Meni, esasan, «Barselonada» çykyş etmek bilen ähli zady gazanan Messi ruhlandyrýar. Ýöne maňa Messiniňki ýaly karýera etmek eýýäm giç boldy, bolmasa men «Monakoda» galmaly bolardym. Ýöne, men Messiniň hyzmatlaryny peseltmezden, indi Kriştianu Ronaldunyň karýerasyndan ruhlanmaly» – «La Gazzetta dello Sport» Mbappeniň sözlerini getirýär.
Mbappe ilki «Monakonyň» düzümindedi, 2017-nji ýyldan bäri bolsa ol «Pari Sen-Žermende» çykyş edýär. Fransiýanyň çempionatynyň häzirki möwsüminde Mbappe 14 oýna gatnaşdy, olarda 13 gezek gol salyp, 5 gezek pökgini netijeli geçirmegi başardy. Fransuz hüjümçisiniň «PSŽ» bilen şertnamasy 2022-nji ýyla çenli niýetlenilen.
Mbappe: «maňa Messiniňki ýaly karýera etmäge eýýäm giç. Indi Ronaldunyň karýerasyndan ruhlanmaly»
- 23.01.2020 20:51
- 6.3k+
