UFC-niň iki agram dereje boýunça ozalky çempiony Konor Makgregor Toni Fergýusonyň nämäniň hasabyna Habib Nurmagomedowy ýeňip biljekdigi barada aýtdy.
«Toni güýçli göreşiji, gözenekde göreşi alyp barmagyň ýabany stilini görkezýän hakyky göreşiji. Ýöne ol köp urgyny boş geçirýär. Muňa garamazdan, meniň pikirimçe, ol özüniň garaşylmadyk hereketleri bilen geň galdyrmaga ukyply» – diýip, Makgregor «The Mac Life-a» beren interwýusynda belleýär.
«Men onuň göreşe haýsy meýilnama bilen çykjakdygyn-a bilemok, ýöne men oňa öz bolşy ýaly bolmagyny we Habibiň güýçli taraplaryna görä boljak bolmazlygy maslahat bererdim. Özüniň hemişe edýän hereketlerini etmegi we biziň Entoni Pettis we beýlekiler bilen göreşde gören «däli» Toni bolup galmagyny maslahat bererdim. Eger-de ol Habibiň güýçli taraplaryna görä boljak bolsa, onda diýmek, ol öz kellesinde eýýäm göreşde ýeňildi».
Ýatladyp geçsek, Habib Nurmagomedow bilen Toni Fergýusonyň arasyndaky ýeňil agram boýunça titul göreşi 18-nji aprelde Bruklinde geçjek UFC 249 turniriniň esasy wakasy bolar.
Makgregor Habib bilen boljak göreşi üçin Fergýusona maslahat berdi
- 22.01.2020 23:01
- 8.7k+
