Iň rahat awtomobilleriň reýtingi düzüldi

Carbuyer britan neşiri tehniki häsiýetlerini hasaba almazdan, baýrak we köpçülikleýin çykarylýan iň rahat awtomobilleriň reýtingini düzdi. Ekspertler ulagyň rahatlandyryş, ýakymly ýagdaýy döretmek we kiçi çagalary gatnatmakda ýeňillik döretmek ukybyny kesgitlän ýerli awtosöýüjileriň beren bahalaryny göz öňünde tutdular.
«Onluga» Mercedes-Benz E-Class liderlik etdi. Onuň artykmaçlyklarynyň hatarynda derňewi geçirijiler hereket edende birsydyrgynlygyň, şeýle-de islendik gatnawy hakyky lezzete öwürýän stile laýyk, gymmat we ýokary tehnologiýaly interýeriniň bardygyny bellediler.
Ikinji orunda ykjam hetçbek Citroen C3 ýerleşdi. Ekspertler bu «fransuzy» gündelik ulanylyş üçin iň gowy wariant diýip atlandyrdylar, ol bäsdeşlerinden ýumşaklygy, «öwgüli» hereket edijiligi, uly ýük goýulýan ýeri we ýokary netijeli hereketlendirijisi bilen tapawutlandy.
Reýtingiň «bürünji» britan sedany Jaguar XF-e degişli boldy. Awtorlar onuň daşky görnüşi boýunça-da, interýerinde-de bäsdeşlerinden hiç hili pes durmaýandygyny belleýärler.
Dördünji orunda liftbek Skoda Superb ýerleşdi. Skoda flagmanyna salonynyň we ýük goýulýan ýeriniň özboluşly sadalygy, lýuks awtomobiller bilen deňeşdirip boljak ergonomikasy we hereketiniň birsydyrgynlygy üçin ýokary baha berýärler.
Bäşinji orny derňewi geçirijileri özüniň ýagty dizaýny we geçiriji tehnologiýalary bilen haýran galdyran şwed biznes-sedany Volvo S90 eýeledi.
Mundan başga-da, dünýä boýunça rahat awtomobilleriň bu onlugyna Carbuyer-iň wersiýasy boýunça Mercedes-Benz S-Class, BMW 5-Series, Range Rover, Infiniti Q30 we Rolls-Royce Ghost girdi.