UEFA Ronalduny ýylyň ýygyndy toparyna goşmak üçin shemasyny üýtgetdi

15-nji ýanwarda UEFA 2019-njy ýylyň simwoliki ýygyndy toparyny neşir etdi – ondaky oýunçylary janköýerler düzdi.
Ýygyndy toparyň geçen hepde taýýar bolandygy barada garaýyş bar, ýöne UEFA bir meseläni çözýärdi: oňa dünýäniň iň belli oýunçysy Kriştianu Ronaldu goşulmandy. Ol hüjümçilere ses berlişiginde dördünji orny eýeledi. Birnäçe günden soň bolsa, ony hem goşup biler ýaly täze shemany döretmek kararyna gelindi.
Netijede ýarym goragçyny – dünýäniň iň sada oýunçysy Ngolo Kanteni aýyrmaly boldy.
UEFA-nyň resmi wekiliniň düşündirmegine görä, «Ýygyndy topar UEFA-nyň saýasynda geçirilen bäsleşiklerde futbolistleriň üstünliklerini hasaba almak bilen düzüldi. Netijede, oňa Çempionlar ligasynyň bäş ýeňijisi we milletler Ligasynyň dört finalisti (bir ýeňijiden başlap) goşuldy. Shema yzygiderli üýtgedilýär, bu ýyl hem şeýle bolar».
Birnäçe faktlar:
- 2013-nji ýyldan 2018-nji ýyla çenli döwürde 4-3-3 shemasy 5 gezek ulanyldy, 2017-nji ýylda - 4-4-2.
- 2012-nji ýyldan bäri shemany janköýerler kesgitleýärdi, indi bolsa ony UEFA çözýär.
- Simwoliki ýygyndyny 2001-nji ýylda girizdiler, 2012-nji ýyla çenli ol 4-4-2 shema boýunça ýygnalýardy. 4-2-4 ilkinji gezek ulanylýar.
Ronaldu ýygyndydan 2007-nji ýyldan bäri çykanok, ol jemi 14 gezek goşuldy, birinji gezek – 2004-nji ýylda, soňra 3 ýyl arakesme düşdi.
Ýygynda goşulmakda Ronaldu öňdebaryjy, ondan soňky Messi – 11 gezek, soňra Sergio Ramos – 8.