MMA-nyň rus göreşijisi Habib Nurmagomedowyň kakasy Abdulmanap oglunyň irlandiýaly göreşiji Konor Makgregor bilen rewanşynyň bolmak mümkinçiligine teswir berdi.
2018-nji ýylyň oktýabrynda Nurmagomedow Makgregora garşy göreşde ýeňiş gazandy we ýeňil agram boýunça UFC-niň guşagyna eýe boldy.
Irlandiýaly bolsa şundan soň Las-Wegasda geçirilen UFC 246 turnirinde oktagona ilkinji gezek dolandy we amerikanly Donald Serroneden üstün çykdy.
— Bize-de Konor bilen rewanşyň bolmagy gerek, ýöne 100 million dollar beriň – Nurmagomedowyň kakasy diýýär. – Fergýuson bilen göreşden soňky gün oňa şu puly beriň, ondan soň rewanşy näme üçin geçirmeris? Bilemok, ýöne Dana Uaýt bu göreş oňa gerek bolandygy üçin gurnamak hem islär.
Öň rewanşyň zerurlygy barada UFC-niň promouşeniniň prezidenti Deýna Uaýt hem habar beripdi.
Nurmagomedowyň Toni Fergýusona garşy indiki göreşi Nýu-Ýorkda 18-nji aprelde geçiriler.
Nurmagomedowyň kakasy: «Bize-de Konor bilen rewanş gerek, ýöne 100 million beriň»
- 20.01.2020 03:15
- 13k+
