UFC 246. Las-Wegasda ýylyň birinji turniri geçirildi. Onuň esasy duşuşygynda Konor Makgregor Donald Serroneden üstün çykdy. Göreş hatda bir raundda hem çekmedi.
Konor UFC 246-nyň ilkibaşyndan haýran galdyrdy. Ol «milliarderiň ýöreýşinden» el çekdi, Serrone bilen salamlaşdy. Emma göreşi welin, diýseň berk başlady: ilki bilen dessine klinç we egin bilen birnäçe urgular geçirdi. Netijede Donaldyň burny döwüldi.
Haçanda göreşijiler uzaklaşanda, Makgregor çep haýkik bilen gaty urup, Serroneni nokdauna gidirdi. Soňra ony tora gysyp, urmaga başlady. Emin Herb Din Serronä özüne gelmge wagt berdi, emma tiz wagtdan göreşi saklamaga mejbur boldy. Göreş başlanyndan bäri, bary-ýogy 40 sekunt geçdi.
Donald Serrone köplenç ýagdaýlarda göreşleriň başlanýan wagtynda ýalňyşlyklara ýol berýär, emma Konor bolsa, hut birinji raundda howply bolar. Bu göreşde aýgytlaýjy pursat — klinçden soň, Serroneniň göreşe taýýarlanyp ýetişmänka, aýak bilen kellesine urgyny geçirtmegi boldy. Mundan soň bolsa, urgularyň dowam etjekdigi gutulgysyzdyr.
Göreşden soň, Serroneni hassahana eltdiler. Ol hatda metbugat maslahatyna hem gelmedi.
Konoryň Serroneni ýeňmegi üçin bary-ýogy 40 sekunt gerek boldy
- 19.01.2020 12:52
- 9.8k+
