«Ýuwentus» we «Barselona» gyş transfer penjiresinde oýunçylaryny alyş-çalyş etmekleri mümkin.
Çeşmäniň maglumatlaryna görä, turinliler «gök-gyzyllara» ýarym goragçy Federiko Bernardeskä eýe bolmagy teklip etdiler. Onuň deregine «Ýuwentus» katalonlylaryň hawbeki Iwan Rakitiçi özüne kabul etmek isleýär.
Häzirki wagtda bu iki tarap degişli gepleşikleri geçirýärler. Şeýle alyş-çalyş etmek pikiri aslynda geçen tomus ýüze çykdy, ýöne ony «Barselonanyň» ozalky baş tälimçisi Ernesto Walwerde goldamandy.
«Ýuwentusyň» halypasy Maurisio Sarri bolsa ylalaşmaga razy.
Häzirki möwsümde 31 ýaşly Rakitiç Ispaniýanyň çempionatynda 13 oýna gatnaşdy we iki gezek pökgini netijeli geçirdi.
25 ýaşly Bernardeski bolsa Seriýa A-da 14 oýunda hem hiç hili netijeli hereket bilen bellige alynmady.
«Ýuwentus» «Barselona» oýunçylaryny alyş-çalyş etmegi teklip etdi
- 18.01.2020 22:46
- 3.1k+
