UFC-niñ çempiony Habib Nurmagomedowyň menejeri Rizwan Magomedow rus göreşijisiniň indiki göreşiniň haçan boljakdygy barada gürrüň etdi.
-Habibiň indiki göreşi mart-aprel aýlarynda göz öňünde tutulýar – Magomedow aýtdy.
Ozal Nurmagomedowyň garşydaşynyň Toni Fergýuson boljakdygy barada habar edilipdi. Muňa garamazdan, rus göreşijisiniň menejeri Ali Abdel-Aziz 31 ýaşly Habibiň indiki göreşde kanadaly Žorž Sen-Pýer bilen duşuşjakdygyny mälim etdi. UFC-niň ýolbaşçysy Dana Uaýt bu göreşi ýola goýmaga taýýardygyny aýtdy.
Şeýle-de Konor Makgregoryň Nurmagomedowdan ar almak isleýändigi bellenilip geçildi. Geçen ýylyň oktýabrynda UFC 242 ýaryşynda irland göreşijisi rus sportsmeninden utulypdy.
Ýatlap geçsek, 7-nji sentýabrda Nurmagomedow Abu-Dabide UFC 242-niň çäklerinde Porýeden üstün çykdy we çempionlyk titulyny gorady.
Nurmagomedowyň menejeri Habibiň indiki göreşiniň haçan boljakdygyny belli etdi
- 25.10.2019 09:54
- 13517
![Nurmagomedowyň menejeri Habibiň indiki göreşiniň haçan boljakdygyny belli etdi](https://tmcars.info/tmcars/images/original/2019/10/25/09/56/88b27d77-ac79-4162-a1be-100c6812d4d3.jpg)