MMA-nyň rus göreşijisi Habib Nurmagomedow Absolýut söweş çempionatynyň çäklerinde indiki bäsdeşiniň amerikanly Toni Fergýuson boljakdygy barada habar berdi.
Ýatlatsak, Nurmagomedow 7-nji sentýabrda Abu-Dabide UFC 242-niň çäklerinde amerikanly Dastin Puarýeden üstün çykyp, ýeňiş gazandy we titulyny gorady.
“Has dogrusy, Toni Fergýusen indiki bolmaly, çünki başga garşydaş ýok. Toni muňa mynasyp, şonuň üçin biz göreşmeli – Netcast Zone Nurmagomedowyň sözlerini getirýär. – Şondan soň men Žorž Sen-Pýer bilen göreşip bilerin, ýöne men agramy artdyrmaryn. Men öz agramymda galyp, titulymy goramak, şeýle-de tutuş taryhyň dowamynda iň gowy ýeňil agramly sportsmen we ähli döwrüň iň gowy göreşijisi bolmak isleýärin”.
Häzirki wagtda Fergýusonyň 25 sany ýeňişi we garyşyk başa-baş söweşlerde 3 sany ýeňlişi bar. Nurmagomedow hem şonça göreşe gatnaşyp, olaryň her birinde üstünlik gazandy. Häzirki wagtda sportsmenleriň ikisi hem UFC-de yzygider 12 ýeňşiň tejribesine eýe. Öň olaryň göreşi 4 gezek başa barmandy.
Habib Nurmagomedow özüniň indiki garşydaşyny mälim etdi
- 19.10.2019 22:22
- 12k+
