Kriştianu Ronaldu taryhda karýerasynda 700 gol salmagy başaran 6-njy oýunçy

«Ýuwentusyň» we Portugaliýanyň ýygyndysynyň hüjümçisi Kriştianu Ronaldu Ýewro-2020-niň saýlama duşuşyklarynyň çäginde Ukraina bilen duşuşykda (1:2) futbol karýerasynda 700-nji goluny saldy. Bu barada sports.ru habar berýär. Şol oýunda portugaliýalylar duşuşygyň gutarmagyna birnäçe sekunt galanda pökginiň derwezä degip gaýdandygyna garamazdan, ýeňlişe sezewar boldular. Olar ýeňilseler-de, Ronaldunyň karýerasy barada käbir san maglumatlary dykgatyňyza ýetirýäris:
• 700 gol salmak üçin ol bary-ýogy 973 oýun aýnady. Her oýunda 0,72 goldan bolýar!
• Şolardan 450-si «Relyň», 118-i «Mançester Ýunaýtediň», 95-si ýygyndynyň, 32-si «Ýuwentusyň», 5-si «Sportingiň» düzüminde wagtynda salyndy.
• La ligada 311 gol, Çempionlar ligasynda – 127, APL-de – 84!
• Ronaldu ýygy-ýygydan «Sewilýa» (27), soňra «Atletiko» (25) we «Hetafe» (23) gol salýar. «Barselona» bäşinji ýerde (18).
• 444 pökgini sag aýagy bilen, 126 – çep, 128 – kelle bilen we ýene-de ikisi bedeniniň beýleki agzalary bilen geçirdi.
• Ilkinji goluny Ronaldu 17 ýyl mundan öň — 2002-nji ýylyň oktýabrynda «Sportinge» «Moreýrensäni» ýeňmäge ýardam edip salypdy.
• Ronaldu futbolyň taryhynda 700 gol geçirmegi başaran altynjy oýunçy boldy. Ondan öň bu sanawda Pele, Romaro, Ýozeg Bisan, Gerd Mýuller we Ferens Puşkaş bar.
• Ýene-de käbir täsin maglumatlar! 370 gol – ak eşikde, 177 – gyzyl, 40 – gara, 27 – ak-gara, 20 – gök, 13 – ýaşyl, 8 – çal, 5 – mämişi, 5 – gyrmyzy, 3 – ak ýaşyl, 2 – ak sary («Sportingiň» düzüminde Kriştianu çykyş edýän wagty myhmançylykdaky eşigi). 2 – gara-çal, 1 - gülgüne eşikdekä geçirildi.