Çempionlar ligasynyň toparlaýyn tapgyrynyň ikinji oýny barada käbir maglumatlar

«Zenitiň» hüjümçisi Serdar Azmun Çempionlar ligasynda «Benfika» garşy duşuşykda toparynyň öňdeligini artdyrmagy başardy (3:0, ikini ýarymda). Hüjümçi duşuşygyň 78-nji minudyndan gol geçirdi. Bu onuň üçin Çempionlar ligasynyň şu gezekki möwsüminde ikinji pökgisidir. Geçen tapgyrda Azmun «Lionyň» derwezesinden gol geçirdi.
***
Çempionlar ligasynyň 2-nji tapgyrynda «Tottenhem» öz öýünde «Bawariýadan» uly hasapda ýeňildi (7:2). Londonlylar 7 pökgi geçirtdiler. Bu ýeňliş iňlis klublarynyň ýewrokuboklarda eden çykyşlarynda iň uly şowsuzlygydyr.
***
«Aýaks» myhmançylykda «Walensiýadan» üstün çykdy (3:0). Şeýlelikde, «Aýaks» ispan klublaryna garşy soňky iki duşuşygy umumy hasapda 7:1 hasabynda (2019-njy ýylyň martynda «Realy» 4:1 hasapda ýeňdi) ýeňdi. Şoňa çenli amsterdamlylar Çempionlar ligasynda 13 duşuşygyň 11-sini ýeňlipdiler.
***
«Çelsi» myhmançylykda «Lillden» üstün çykdy (2:1). Şeýlelikde «Çelsiniň» baş tälimçisi Frenk Lempard 2017-nji ýylyň martyndan bäri Çempionlar ligasynda ýeňşi gazanmagy başaran ilkinji iňli tälimçisidir.
***
Çempionlar ligasynda «Lill» bilen duşuşykda «Çelsiniň» ýarymgoragçysy Willian başlangyç düzümde oýna çykdy. Bu braziliýaly oýunçy üçin «Çelsiniň» düzüminde ähli ýaryşlarda 300-nji oýny boldy.
***
«Liwerpulyň» hüjümçisi Mohamed Salah «Red Bull Zalzburg» bilen duşuşykda 2 gol geçirdi (4:3, ikinji ýarym). Şeýlelikde, müsürli oýunçy «Liwerpul» üçin ähli ýaryşlar geçiren pökgileriniň sanyny 77-ä ýetirdi. 2017-nji ýylyň iýunyndan «Liwerpula» geçen döwründen bäri Top-5 ligada diňe «Barselonanyň» hüjümçisi Lionel Messi (96 gol) we «Bawariýanyň» hüjümçisi Robert Lewandowskiý (95 gol) Salahdan öňdedir.
***
«Liwerpul» «Red Bull Zalzburg» bilen duşuşykda öz öýünde derwezesinden 3 pökgi geçirtdi (4:3, ikinji ýarym). Soňky gezek «Liwerpul» «Enfild» stadionyndan Çempionlar ligasyndan baryp 2014-nji ýylyň 22-nji oktýabrynda Madridiň «Realyndan» 3 gol geçirdipdi (3:0).
***
Çempionlar ligasynyň 2-nji tapgyrynda «Aýaksyň» ýarymgoragçysy Hakim Ziýeş «Walensiýa» garşy duşuşykda hasaby açdy (2:0, arakesme). Ol duşuşygyň 8-nji minudynda ýarymgoragçy Duşan Tadiçiň pasy bilen gol saldy. Şeýlelikde, Ziýeş «Aýaks» üçin geçiren soňky 10 golunyň 8-sini (şol sanda Çempionlar ligasyndan soňky 3 goluny) Tadiçiň paslary bilen saldy.