Golaýda Türkmenistana garşy oýnan futbolçy «Altyn topa» dalaşgäri ýeňillik bilen geçdi

Koreýa Respublikasynyň 23 ýaşly goragçysy Hwan Hi Çhan ýakynda Dünýä çempionatynyň saýlama tapgyrynda Aşgabatda Türkmenistanyň ýygyndy toparyna garşy oýnapdy.
Hwan Hi Çhanyň salan goly bilen «Red Bulluň» «Liwerpulyň» yzyndan ýetmäge synanyşygy başlandy — Hwan jerime meýdançasynda topy kabul edip aldy, bir galtaşmada «Altyn topa» esasy dalaşgärleriň biri bolan Wirjil wan Deýki aldap geçdi we ýeňillik bilen derwezä pökgini gönükdirdi. Bu barada «www.sports.ru» habar berýär.
Wirjil wan Deýkden bir ýyldan gowrak wagtlap hiç bir oýunçy geçip bilmeýärdi! Has dogrusy 2018-nji ýylyň martyndan 2019-njy ýylyň awgustyna çenli ol golaýyndan hiç bir futbolçyny geçirmeýärdi. Futbolçy 65 oýunlap öz deňinden garşydaş toparynyň oýunçysyny geçirmän bildi. Elbetde, ýöne ýere dünýäniň iň gowy goragçysy we «Altyn topa» dalaşgär saýlanylmaýar. Wan Deýkiň 65 oýunlyk seriýasy awgustda Gabi Jezusyň tagallasy bilen bozuldy.
Geçen möwsümde ikinji Bundesligada oýnap ýören 23 ýaşly Hwan dünýäniň iň gowy goragçysyny ýeňillik bilen geçip, gol salmagy başarýar. Muňa futbol diýerler!