Kriştianu Ronaldu nobatdaky rekordyny goýdy

Çempionalar ligasynyň çäklerinde «Ýuwentus» öz öýünde «Baýer» toparyndan 3:0 hasabynda ýeňiş gazandy. Netijede turinlileriň hüjümçisi Kriştianu Ronaldu ýene-de bir rekord goýmagy başardy.
Ol Çempionlar ligasynda 102-nji ýeňşini gazandy we bu görkeziji boýunça «Realyň» we «Portunyň» öňki derwezewany Iker Kasilýasdan (101 ýeňiş) öňe geçdi.
Reýtingde üçünji orny «Barselonanyň öňki oýunçysy Hawi (91), dördünji orny ýaryşda 80 ýeňiş bilen Ronaldunyň mümkin bolan bäsdeşi Messi eýeleýär.
Şeýle hem belläp geçsek, geçen ýaryşda Ronaldu gol salmagy başardy. Bu pökgi 34 ýaşly oýunçy üçin ýaryşda 127-nji goly boldy.
Bu görkeziji boýunça Ronaldunnyň iň ýakyn bäsdeşi Lionel Messi. 32 ýaşly argentinaly oýunçy Çempionlar ligasynda 112 gol geçirmegi başardy. Belläp geçsek, Ýewrokubok ýaryşlarynyň ählisinde Ronaldu jemi 130 pökgi, Messi bolsa 115 pökgi geçirmegi başardy.
Ýatlatsak, portugaliýaly oýunçy ýakynda ýene-de bir rekord goýdy. Ol Ýewropanyň çempionatlarynyň saýlama tapgyrlarynyň taryhynda 25 pökgi bilen iň gowy hüjümçi bolmagy başardy.