25-nji sentýabrda Aşgabatda 2019/2020 möwsümi üçin «WESG Turkmenistan» ýaryşy başlandy. Bu barada Orient habar berýär. Bu ýaryşda kiber türgenler «Dota 2» boýunça bäsleşerler. «Dota 2» Valve Corporation tarapyndan işlenip düzülen multiplayer online battle arena äheňindäki oýundyr. Bu ýerde aýratyn görnüşdäki kartadaky çaknyşygy ýeňmeli. Her ýaryşa her birinde bäş oýunçy bolan iki topar gatnaşýar. Olar dürli başarnygy bolan «gahrymanlary» hereket etdirýärler.
Ýaryşa 74 oýunçy gatnaşýar. Olaryň biri Gazagystandan bolup, ol «Galkynyş» toparynda çykyş edýär.
Türkmenistanyň kibersport federasiýasy (TMeSF) bu ýaryşy ilkinji gezek geçirmese-de, häzir ol az-owlak üýtgedi. Geçen ýyllaryň ýeňijileri bolan «Galkynyş» we «Nusaý» toparlary birnäçe täze toparlara bölünmek kararyna geldiler. Bu bolsa ýaryşyň has hem özüne çekiji bolmagyna ýardam eder.
Bu günki gün bolsa, «Hüjümdäki leňňeçler» «Gravity» toparyna garşy göreşýärler.
11 sany topar final tapgyra gatnaşmak ugrunda bäsleşerler we Gazagystana gitmäge mümkinçilik alarlar.
Final ýaryşy 15-nji oktýabrda geçiriler. Oýunlaryň göni alnyp görkezilişine twitch-ýaýlymynda we kibersport federasiýasynyň saýtynda tomaşa edip bolar.
Aşgabatda kibersport boýunça «WESG Turkmenistan» ýaryşy badalga aldy
- 26.09.2019 21:49
- 4.9k+
