Çempionlar ligasynyň ilkinji duşuşyklarynyň netijeleri

Ýewropanyň futbol klublarynyň arasynda iň abraýly ýaryşyň täze möwsümi badalga aldy. Düýn, 17-nji sentýabrda Çempionlar ligasynyň 2019/2020 möwsüminiň toparlaýyn tapgyrynyň ilkinji duşuşyklary geçirildi. Bu barada uefa.com habar berýär.
"Napoli" - "Liwerpul" 2:0
Tapgyryň merkezi duşuşyklarynyň birinde ýaryşyň geçen ýylky möwsüminiň ýeňijisi myhmançylykda italýanlaryň «Napoli» toparyndan 2:0 hasabynda ýeňildi. Duşuşygyň 82-nji minutynda Dris Mertens 11 metrlik jerime urgusyny dürs ýerine ýetirip, iňlisleriň derwezewany Adriana gol geçirmegi başardy. Goşmaça wagtda bolsa, «Liwerpulyň» goragyndaky düşnüksizlikden Fernando Lorente peýdalandy.
"Borussiýa" D - "Barselona" 0:0
Beýleki bir duşuşykda Dortmundyň «Borussiýasy» we ispanlaryň «Barselonasy» 0:0 hasabynda deňme-deňlikde oýnadylar.
"Res Bull" Zalsburg - "Genk" 6:2
Gollara baý duşuşyk E toparda geçirildi. Awstriýanyň «Red Bull» topary Belgiýanyň «Genk» toparyny 6:2 hasabynda ýeňdi.
"Çelsi" - "Walensiýa" 0:1
Geçen möwsümiň Ýewropa ligasynyň ýeňijisi «Çelsi» öz öýünde ispanlaryň «Walensiýasyndan» 0:1 hasabynda ýeňildi.
"Aýaks" - "Lill" 3:0
Çempionlar ligasynyň 2018/19 möwsüminiň ýarym finalçysy Amsterdamyň «Aýaksy» fransuzlaryň «Lill» klubyndan 3:0 hasabynda ýeňiş gazanmagy başardy.
"Inter" - "Slawiýa" 1:1
Milanyň «Interi» Praganyň «Slawiýasy» bilen duşuşykda soňky pursatlarda ýeňlişden gaçyp gutuldy – 1:1.
"Benfika" - "Red Bull" L 1:2
Lissabonyň «Benfikasy» öz öýünde Leýpsigiň «Red Bulundan 1:2 hasabynda ýeňildi.
"Zenit" - "Lion" 1:1.
Sankt-Peterburgyň «Zenit» topary myhmançylykda Lionyň «Olimpik» topary bilen 1:1 hasabynda deňme-deňlikde oýnady.