«Liwerpulyň» baş tälimçisi Ýurgen Klop Ispaniýanyň top klublary üçin ýerine düşjek hünärmen hökmünde görülýär. Bu barada sportbox.ru habar berýär.
Habar beriş serişdeleriniň bellemegine görä, Madridiň «Realynyň» we katalonlaryň «Barselonasynyň» ýolbaşçylary Zinedin Zidany hem-de Ernesto Walwerdeni öz wezipelerini ýeterlik derejede ýokary hilli ýerine ýetirip bilmeýär diýip hasaplaýar. Şonuň üçin hem klublar olaryň ýerine adam gözläp başladylar.
Täze baş tälimçiniň wezipesine esasy dalaşgär hökmünde 2015-nji ýyldan bäri «Liwerpula» tälimçilik edip gelýän nemes hünärmeni Ýurgen Klop görülýär. Bellenilişi ýaly, Klopuň ispan toparyna goşulmagy goragçy Wirjil wan Deýkiň hem klubuny täzelemegine ynandyryp biler.
Ýatlap geçsek, «Liwerpul» 52 ýaşly Klopuň ýolbaşçylygynda 2018/2019 möwsümde Çempionlar ligasynyň ýeňijisi bolmagy başardy. Angliýanyň Premýer ligasynyň 5-nji tapgyryndan soňra «Liwerpul» hiç hili utuk ýitirmän, birinji ýerde barýar.
«Liwerpuldan» öň Klop «Maýns» we Dortmundyň «Borussiýasyny» türgenleşdirdi.
Ýurgen Klop «Reala» ýa-da «Barselona» tälimçi bellenip biler - HBS
- 15.09.2019 22:13
- 3.2k+
