GALAXY NOTE10|NOTE10+: Bir enjam — islendik wezipeler

Bir aý mundan öň «Samsung Electronics» kompaniýasy ilkinji gezek Galaxy Note10 mobil enjamyny iki ölçegde: displeýi 6,8 dýum bolan Note10+ we ekrany 6,3 dýum bolan Note10 hödürledi.
Täze Galaxy Note10|10+ örän köp sanly täsin hem peýdaly artykmaçlyklara eýedir:
— aşa tiz işleýän prosessory ýokary öndürijiligi mynasybetli islendik çylşyrymlykdaky wezipeleri örän tiz wagtda çözüp berýär;
— Korpusynyň galyňlygy 7,9 mm. Operatiw ýady 12 Gb, oturdylan ýady 256 Gb, 768 Gb-a çenli artdyrylyp bilinýär
— çäksiz Cinematic Infinity-O 6,8 dýumlyk displeýiniň çarçuwasy asla görünmeýär diýen ýaly. Bu displeý Galaxy Note kysymlaryň taryhynda iň ulusydyr. Bu displeý enjama goşmaça bezeg berýär we synlaýan kontentiňizden ünsi sowmaýar;
— Dynamic AMOLED ekrany HDR10+ standartlaryna laýyk gelýär we tonlary dinamik ýagdaýda görkezýär. Bu bolsa suratyň hatda garaňky uçastoklaryndaky detallary hem görmäge mümkinçilik berýär. Şeýle hem munda mawy şöhläniň zyýanly şöhlelenmesiniň peseldilmegi bolsa gözler üçin oňaýlydyr;
— S Pen täzelenen perosy elde ýazylýan teksti çap görnüşine geçirmäge ukyply we ol uzak aralykdan dolandyrylyp bilinýär. Bellikleri islendik pursat goşmaça porgramma girmezden ekrana ýazmak mümkinçiligi bar;
— Galaxy Note10|10+ bilen siz gaýtalanmajak wideo we foto döredip, surata düşürmek we redaktirlemek üçin zerur bolan professional gurallardan peýdalanyp bilersiňiz. Professional derejedäki kamera janly fokusy we yrgyldyny supersazlaýjy funksiýasy bilen wideo düşürilende kadrlaryň dury düşmegine ýardam eder. Kamerasynyň giň burç aralygyny öz içinde almagy (123 gradus) ajaýyp panorama suratlaryny düşürmäge ýardam eder, öňdäki kamerada gijeki režim bolsa hatda garaňkyda hem oňat selfi düşürmäge mümkinçilik berer.
Galyberse-de, zarýad barada alada galmak gerek däl. Çünki Galaxy Note10+ 4300 mA/s göwrümdäki kuwwatly akkumulýatora eýedir. Ol smartfona uzakly gün işlemäge mümkinçilik berýär. Şol bir wagtda akkumulýator çalt zarýad alyjylygy mynasybetli bary-ýogy 30 minutda doly zarýad toplap bilýär.
Galaxy Note Samsung öndürýän önümleriniň her tapgyrynda adamlar üçin peýdaly innowasiýalary ornaşdyrýar. Goşmaça maglumaty şu ýerden alyp bilersiňiz.