«Ýuwentusyň» hüjümçisi Kriştianu Ronaldu Ýewro-2020-niň saýlama tapgyrynda Litwa garşy duşuşyga (5:1) başlangyç düzümde çykdy. Bu duşuşyk portugaliýaly ýyldyz futbolçy üçin milli ýygyndynyň düzüminde 160-njy boldy, diýip sports.ru habar berýär.
Milli ýygyndynyň düzüminde geçiren duşuşyklarynyň sany boýunça Ronaldu Ýewropada 5-nji ýerde barýar. Ondan öňde Serhio Ramos, Iker Kasilýas, Witaliý Astafýew (hemmesi – 167) we Janluiji Buffon (176) bar.
Häzirki wagtda oýnap ýören futbolçylaryň içinde hem Ronaldu 5-nji ýerde barýar we ondan öňde Bader Al-Mutwa (Kuweýt, 171), Ahmed Mubarak (Oman, 171), Serhio Ramos (Ispaniýa, 167) we Andres Guardado (Meksika, 162) bar.
Milli ýygyndynyň düzüminde çykyş etmek boýunça dünýä rekordy Müsürden Ahmed Hassana degişli (184).
Litwa garşy geçirilen duşuşykda Ronaldu derwezä 4 pökgi geçirmek bilen, birnäçe üstünlikleri gazandy:
• Häzirki wagtda Kriştianunyň Portugaliýanyň düzüminde 93 goly bar. Ol dünýäniň 40 ýygyndysyna gol geçirmegi başardy. Eýranly Ali Daeiniň dünýä rekordyny geçmek üçin bary-ýogy 16 pökgi galdy.
• Kriştianu karýerasynda 54-nji, milli ýygyndynyň düzüminde bolsa 8-nji het-trigini etmegi başardy. Deňeşdirip görmek üçin: Jessi Lingard bütin karýerasynda 45 pökgi geçirdi.
Ronaldu Portugaliýanyň milli ýygyndysynda 160-njy oýnuny oýnady we 40-njy ýygynda gol saldy
- 11.09.2019 06:54
- 4.6k+
