Hytaýyň öňdebaryjy hassahanalary we aragatnaşyk operatorlary telekommunikasiýalar ulgamynda iri kompaniýalaryň biri bolan «Huawei» bilen bilelikde Hytaýyň hassahanalarynda 5G torlary üçin standartlary ornaşdyrmak boýunça taslamany işe girizdiler. Bu barada Orient agentligi China daily salgylanyp habar berýär.
Taslama Saglygy goraýyş milli komissiýasy (NHC), Telelukmançylyk we saglygy goraýyş milli merkezi, şeýle hem Başlangyç lukmançylyk kömeginiň telelukmançylygy ösdürmek sorag-jogap merkezi tarapyndan durmuşa geçirilýär.
«Huaweo» kompaniýasy hyzmatdaşlary bilen bilelikde dürli hyzmatlary bermäge ukyply, şol sanda maslahat bermeklige, ambulator bejergi we köp sanly beýleki lukmançylyk kömeklerini bermäge ukyply 5G lukmançylyk görkezme meýdançalarynyň 100-den gowragyny gurdy
China Telecom-yň wekilleriniň bellemegine görä, 5G-ni senagatyň dürli pudaklaryna ornaşdyrmak prosesinde lukmançylyk pudagynda 5G iň köp isleg bildirilýär.
Ýakynda Şanhaýyň iri hassahanalarynyň biri bolan — «Renji» mobil aragatnaşygynyň 5-nji neslini (5G) ulanmak arkaly ýurtda ilkinji bolup göni ýaýlymda operasiýany görkezdi.
Sanly lukmançylygy ösdürmek we bu ugurda iň täze tehnologiýalary ulanmak meseleleri ýakynda Aşgabatda geçirilen saglygy goraýyş boýunça VIII türkmen-german forumynda hem ara alnyp maslahatlaşyldy.
Hytaýda hassahanalarda 5G torlaryny ornaşdyrmak boýunça taslama işe girizildi
- 10.09.2019 12:27
- 3.3k+
