Abu-Dabide göreşiň garyşyk görnüşi boýunça UFC 242 ýaryşy tamamlandy. Ýaryşyň iň aýgytlaýjy hem esasy wakasynda UFC-niň ýeňil agramdaky çempiony Habib Nurmagomedow bilen wagtlaýyn çempion adynyň eýesi Dastin Porýe duşuşdy.
Duşuşyk russiýaly türgeniň görnetin artykmaçlygy bilen geçdi. Eýýäm birinji raundda Habib iki gezek teýkdaun etmegi başardy, bogujy emelleri geçirmäge synanyşdy, bäşminutlygyň ahyrynda bolsa, tirsek bilen Porýe birnäçe agyr ugrulary geçirmegi başardy. Ikinji raundyň birinji minudynda Porýe dik stoýkada garşydaşyna gaýtawul bermegi başardy we ol Habibe birnäçe agyr urgulary geçirdi. Ýöne az wagtdan russiýaly türgen ýene-de teýkdaun etdi we ikinji raundyň ahyryna çenli hem göreşde öňdeligini elden bermedi.
Üçünji raundda Habib Porýeniň gapma-garşylygyny ýeňmegi başardy we bogujy emel geçirmek arkaly deslapdan ýeňiş gazanmagy başardy.
Şeýlelikde, Habib Nurmagomedow ikinji gezek hem UFC-niň çempiony adyny üstünlikli goramagy başardy we garyşyk göreş boýunça yzygiderli ýeňişleriniň sanyny 28 göreşe çenli ýetirdi. Porýe babatda aýdylanda bolsa, amerikaly türgen wagtlaýyn çempion guşagyndan mahrum boldy. Dastiniň bassyr ýeňlişsiz gelýän bäş sany ýeňişli yzygiderliginiň arasy bölündi, ol 2016-njy ýyldan bäri ilkinji gezek ýeňlişe sezewar boldy.
Habib Nurmagomedow UFC 242 ýaryşynda Porýeden üstün çykdy
- 08.09.2019 02:52
- 7.7k+
