7-nji sentýabrda Abu-Dabide UFC-niň çempionlygyny almak ugrundaky göreşde onuň häzirki hereket edýän çempiony Habib Nurmagomedow amerikaly Dastin Porýe bilen göreşer, diýip Turkmenportal «Первый канал» teleýaýlymyna salgylanyp habar berýär.
Garyşyk göreş boýunça sport karýerasynda Habib Nurmagomedow henize çenli bir göreşde hem ýeňilmändi. Ol özi üçin iňe esasy göreşleriň birinde — 2018-nji ýylyň 7-nji oktýabrynda Konor Makgregor bilen bolan göreşde Habib dördünji raundda bogujy emel ulanyp gürrüňsiz ýeiş gazanmagy başarypdy. Göreşden soň dawa ýüze çykyp, netijed rus türgenini 9 aýlap göreşmekden çetleşdirdiler.
Dastin Porýe 2019-njy ýylyň aprelinde amerikaly Maks Holloweýi ýeňip, UFC ýeňil agramda wagtlaýyn çempiony adyny gazanmagy başardy.
Habib Nurmagomedow we Dastin Porýe birek-birege sylag-hormatly gatnaşýarlar we oňat göreşiň bolmagy üçin dawa-jenjeliň zerur däldigini subut etmek isleýärler. UFC 242 şüweleňi üçin Abu-Dabi Ýas adasynda «The Arena» atly ýörite 13 müň adamlyk stadion gurdurdy. Bu göreş üçin biletler eýýäm 96 sagadyň içinde satylyp gutardy.
«Первый канал» teleýaýlymy bu titul göreşini göni ýaýlymda görkezer. Göreş Aşgabatda wagty bilen 8-nji sentýabrda 00:30 sagatda başlanar. Aşgabatda UFC köpsanly muşdaklary IP-TV arkaly «Первый канал» teleýaýlymyndan bu göreşi göni ýaýlymda synlap bilerler.
Habib Nurmagomedow UFC-niň çempionlygyny almak ugrunda Dastin Porýe bilen göreşer
- 07.09.2019 07:02
- 12k+
