Dünýä çempionaty – 2022-niň saýlama tapgyrynyň çäginde myhmançylykda Şri-Lankanyň ýygyndysy bilen duşuşan milli ýygyndymyz 2:0 hasabynda ýeňiş gazandy. Bu barada Türkmenistanyň Futbol Federasiýasynyň saýty habar berýär.
Saýlama tapgyrçasynyň “H” toparçasynyň çäginde Kolombo şäherinde geçen duşuşykda Wahyt Orazsähedow (8 m.) bilen Arslanmyrat Amanow (53 m.) tapawutlanmagy başardylar.
“H” toparçanyň beýleki duşuşygynda Demirgazyk Koreýanyň milli ýygyndysy öz meýdançasynda Liwanyň ýygyndy toparyndan 2:0 hasabynda üstün çykdy.
Türkmenistanyň milli ýygyndysynyň dünýä çempionaty 2022-niň saýlama tapgyrynyň çäginde ikinji duşuşygyny Koreýa Respublikasynyň ýygyndysynyň garşysyna geçirýändigini ýatladýarys. Bu duşuşyk 10-njy sentýabrda paýtagtymyzdaky “Köpetdag” stadionynda geçiriler.
Türkmenistan dünýä çempionatynyň saýlama tapgyrynda Şri-Lankadan üstün çykdy
- 05.09.2019 23:55
- 3.9k+
