Sentýabr aýynyň ahyrynda Aşgabatda Türkmenistanyň 2019/2020-nji möwsüm üçin hokkeý boýunça nobatdaky — ýedinji çempionaty badalga alar. Bu barada «Нейтральный Туркменистан» gazeti habar berýär.
Milli çempionatyň geçen alty möwsüminde ýeňşi bassyr alty gezek Içeri işler ministrliginiň «Galkan» hokkeý topary gazanypdy. Täze möwsümde Baýram Allaýarowyň tälim berýän türgenlerine ýeňil düşmez, çünki beýleki toparlar möwsüm aralygynda düzümini täze oýunçylar bilen ýetirdiler.
Geçen çempionatyň bürünç medallarynyň eýesi bolan «Watançy» toparynyň ýolbaşçylary täze möwsümde ýeňiş gazanmak üçin ýaş hokkeýçileri toplamaga üns berdiler. 2018-2019-njy ýyllaryň wise-çempiony «Şir» we «Oguzhan» toparlary bolsa düzümini harby gullugyny tamamlap gelen öňki türgenleri bilen güýçlendirdiler.
Türkmenistanyň hokkeý boýunça nobatdaky çempionaty aýratyn çekeleşikli bola. Üstesine, täze möwsümde medallara dalaş etjek täze topar — «Galkan – 2» topary goşular. Bu topara ýurdumyzyň häzirki çempionlarynyň ikinji ýa-da ýaşlar topary girýär.
Türkmenistanyň hokkeý boýunça çempionaty sentýabryň ahyrynda başlanar
- 01.09.2019 23:03
- 1.8k+
