Ýewropada futbol möwsümi badalga alýar

Ýewropada nobatdaky futbol möwsümi başlanýar. Ýewropanyň derejesi boýunça iň öňdäki 5-ligine girýän ýurtlarda futbol şu aýyň dowamynda başlanar. Bu barada championat.com saýty şeýle belleýär.

Ispaniýa
Başlanýar: 16-njy awgustda
La Liganyň täze möwsüminiň birinji oýny «Barselona» bilen Bilbaonyň «Atletiginiň» arasynda oýnalar. «Selta» Madridiň «Realyny», Madridiň «Atletikosy» bolsa «Hetafeni» kabul eder. Şeýle hem 1-nji tapgyr oýunlary şulardan ybarat:
Walensiýa – Real Sosýedad;
Malorka – Eýbar;
Leganes – Osasuna;
Wilýareal – Granada;
Alawes – Lewante;
Espanýol – Sewilýa;
Betis – Walýodolid.

Germaniýa
Başlanýar: 16-njy awgustda
Möwsümiň birinji oýnunda «Bawariýa» «Gertany» kabul eder. Dortmundyň «Barussiýasy» «Augsburgy»bilen duşuşar. Şeýle hem 1-nji tapgyr duşuşyklary şulardan ybarat:
Baýer – Paderborn 07;
Wolsburg – Kýoln;
Werder – Fortuna;
Fraýburg – Maýns;
Borussiýa M – Şalke-04;
Aýntraht F – Hoffenhaým;
Union – RB Leýpsig.

Italiýa
Başlanýar: 24-nji awgustda
Ýewropanyň iň top-ligalarynyň içinde Italiýada futbol möwsümi giç badalga alýar. Möwsüm Maurisio Sarriniň tälimçiliginde «Ýuwentusyň» «Parma» garşy myhmançylykdaky duşuşygy bilen açylar. Şeýle hem 1-nji tapgyrda şu duşuşyklar bolar:
Fiorentina — Napoli;
Udineze — Milan;
Kalýari – Breşiýa;
Werona – Bolonýa;
Roma – Jenoa;
Sampdoriýa – Lasio;
SPAL – Atalanta;
Torino – Sossuola;
Inter – Leççe.

Angliýada we Fransiýada futbol möwsümi eýýäm badalga aldy. Liga 1-de «Monako» 0:3 hasabynda «Liondan» ýeňlişe sezewar boldy. Angliýanyň Premýer-ligasynda bolsa «Man Siti» we «Liwerpul» ýeňiş gazanmagy başardylar.