Gaz partlamasyndan ejir çekenleri täze ýaşaýyş jaýlaryna göçürdiler

16-njy iýulda Aşgabadyň 10-njy kiçi etrapçasynda bolup geçen gaz partlamasyndan ejir çeken jaýyň ýaşaýjylaryny tiz wagtda täze öýlere ýerleşdirdiler. Bu barada Orient habarlar agentliginiň habarçysy adatdan daşary hadysanyň bolup geçen ýerinde şaýatlar alan maglumatlary esasynda habar berdi. Partlamanyp bolup geçen ýerinden dürli tehniki gulluklar işleýär, şol jaýyň girelgesini barlaýarlar, goňşy girelgeleriň howpsuzlygyny anyklaýarlar. Ýaşaýyş jaýynyň töwereginde köpsanly gurluşyk tehnikalary jemlendi, «Tiz kömek» gulluklarynyň ulaglary nobatçylyk edýär.
Şäher häkimligi ýerli ýaşaýjylaryň aýdanlaryny tassyklady: partlama bolan jaýdan 12 maşgala ýaşaýyş şertleri gowulandyrylan täze jaýlardaky (başgaça aýdanyňda, ýarym elitka) öýlere göçürildi. Hadysa bolup geçenden dessine soňra ol maşgalalar, esasan, Parahat – 7 we Gurtly (öňki Köşi) ýaşaýyş toplumlaryndaky täze gurlan öýlere geçirildi. 
Aşgabat şäher häkimliginiň işgärleri täze öýe göçüp gelenlere iýmit önümlerini, gap-gaçlary, agyz suwuny we ş.m. getirip berdiler, holodilnikleri we goşmaça kondisionerleri oturdyp berdiler.
Partlamadan ejir çekenlere lukmançylyk we professional psihologik kömek berilýär. Orient agentliginiň Türkmenistanyň Saglygy goraýyş we derman senagaty ministrliginiň «Tiz kömek» Merkeziniň reanimasiý bölüminiň müdirinden anyklap, habar bermegine görä, zerur bolan serişdeleriň ählisi ýeterlik derejede bar.
Häzirki wagtda adatdan daşary hadysanyň bolan ýerinde partlamanyň zyýanlaryny aradan aýyrmak işleri dowam edýär.