Türkmen türgenleri Bütindünýä uniwersiada gatnaşýarlar

  • 04.07.2019 00:44
  • 3k+

Dzýudo boýunça Türkmenistanyň ýygyndy toparyna wekilçilik edýän türgenleriň ilkinji topary Italiýanyň Neapol şäherine geldi. Bu türgenler ХХХ Bütindünýä tomusky uniwersiadada ýurdumyzyň sport abraýyny goramak hukugyna eýe boldular. Topara iki tälimçi ýolbaşçylyk edýär.
Dzýudoçylaryň arasynda ilkinji bäsleşikler şu gün — 4-nji iýulda başlanýar. Neapol şäherinde geçirilýän Bütindünýä tomusky uniwersiada 127 ýurtdan 9 müňe golaý türgeniň gatnaşýandygyny bellemek gerek. Ýaryşlaryň maksatnamasynda sportuň 18 görnüşi göz öňünde tutulandyr.
Türkmen talyp türgenleri ýaýdan ok atmak, gylyçlaşmak, ýeňil atletika, dzýudo, tennis we suwda ýüzmek boýunça bäsleşiklere gatnaşarlar.
Uniwersiadanyň resmi açylyş dabarasy 3-nji iýulda ýerli wagt bilen sagat 21:00-da San Paolo stadionynda boldy. Häzirki zaman tomaşalar tehnologiýalary esasynda geçirilen bu çärä 1500 adam gatnaşdy. Bu wakanyň öň ýanynda suw polosy, suwa bökmek hem-de futbol boýunça saýlama ýaryşlar başlandy.
4-nji iýulda dzýudoçylar bilen bir hatarda suwda ýüzmek we gylyçlaşmak boýunça bäsleşikler geçiriler.
5-nji iýulda tennisçileriň saýlama ýaryşlary başlanylar, oňa biziň ýurdumyzdan Hajymyrat Çaryýew gatnaşar.
8-nji iýulda bolsa, ýeňil atletika boýunça ýaryşlar başlanyp, Irina Welihanowa medallar ugrunda bäsleşer.
9-njy iýulda bu bäsleşiklere ýaýdan ok atmak boýunça türgenler goşular. Bu ugurdan ýaryşlara Türkmenistandan iki türgen gatnaşar.
Uniwersiadada jemi 222 medal ugrunda bäsleşikler bolar, medallara mynasyp bolanlar iki hepdä golaý wagtdan kesgitleniler, 14-nji iýulda bolsa, Neapolda geçirilýän ХХХ Bütindünýä tomusky uniwersiadanyň ýapylyş dabarasy bolar.

düýn 20:30
2.6k+

Kia täze Telluride modeliniň ilkinji resmi suratlaryny görkezdi

Kia täze nesil Telluride krossoweriniň ilkinji resmi şekillerini hödürledi. Täze modeliň doly tanyşdyrylyşy 20-nji noýabrda Los-Anjeles awtosergisinde bolar. Telluride-nyň ikinji nesli has burçly we güýçli görnüşe eýe bolar...

düýn 19:56
5.1k+

«Altyn Asyr» «Paro» klubuny utup, AFK Çagyryş Ligasynda «A» toparyň başyna geçdi

28-nji oktýabrda, sişenbe güni Türkmenistanyň «Altyn Asyr» futbol kluby AFK-nyň Çagyryş Ligasyndaky toparlaýyn tapgyryň ikinji duşuşygynda Butanyň «Paro» klubuny 3:1 hasabynda utdy. Ýaryşyň Günbatar zolagynyň "A" toparynyň ähli duşuşyklary merkezleşdirilen formatda Butanyň paýtagty Thimphuda geçirilýär...

düýn 18:56
5.1k+

Lionel Messi 2026-njy ýylyň dünýä çempionatynda oýnamak isleýändigini aýtdy

Argentinanyň milli ýygyndysynyň ýyldyzy Lionel Messi 2026-njy ýylda ABŞ-da, Kanadada we Meksikada geçiriljek dünýä çempionatyna gatnaşmak isleýändigini aýtdy. Bu barada futbolçy NBC telekanalyna beren interwýusynda gürrüň berdi...

düýn 12:11
5.2k+

BMGÖM-niň wekiliýeti Lebap welaýatyna iş saparyny amala aşyrdy

25-nji oktýabrda Birleşen Milletler Guramasynyň Ösüş maksatnamasynyň (BMGÖM) Türkmenistandaky hemişelik wekili Narine Saakýan we hemişelik wekiliň orunbasary Tomitsa Paowiç Lebap welaýatyna iş saparyny amala aşyrdylar...