Bitkoinyň bahasynyň düşmegi bilen bagly, ýarym ýylyň içinde Tesla 170 mln dollar ýitirdi

Bitkoinyň bahasynyň düşmegi bilen bagly, ýarym ýylyň içinde Tesla 170 mln dollar ýitirdi

Amerikanyň Tesla kompaniýasy öz bitkoin-aktiwleriniň bahasynyň arzanlandygy sebäpli alty aýda takmynan 170 mln dollar möçberde zyýan çekdi. Kompaniýanyň ABŞ-nyň Gymmatly kagyzlar we biržalar boýunça iş topary üçin taýýarlan,  duşenbe güni çap bolan üç aýlyk hasabatynda şeýle maglumatlar getirilýär.

20-nji iýulda Tesla öz bitkoinleriniň 75%-ini amerikan walýutasyna konwertasiýa edip, 936 mln dollar aldy. Şereketde galan sanly aktiwleriň bahasy  218 mln dollardan ybarat, geçen üç aýda bu görkeziji 1,2 mlrd dollar bolupdy. Tesla 2021-nji ýylyň başynda bitkoine 1,5 mlrd dollar goýupdy.
2022-nji ýylyň ikinji çärýeginiň netijeleri boýunça kompaniýa 2,26 mlrd arassa girdeji aldy, bu bolsa birinji çärýekdäkiden takmynan 31% azdyr.
Maý-iýun aýlarynyň dowamynda bitkoin telim gezek kemelýändigini görkezdi. Aýratynam, iýunyň ortalaryndaky söwdalaşyklarda onuň bahasy 2020-nji ýylyň noýabryndan bäri ilkinji gezek 19 müň dollardan aşak düşdi.
ABŞ-nyň Gymmatly kagyzlar we biržalar boýunça iş topary obligasiýalaryň we paýnamalaryň bazarlaryny, şeýle hem paýnamalar üçin deriwatiwler we obligasiýalar bazaryny düzgünleşdirýär. 
Edara ABŞ-nyň maliýe bazarynyň esasy düzgünleşdirijileriniň dörtlügine girýär.