Uelsli hüjümçi Garet Beýl “Los-Anjelese” geçdi diýip, MLS-iň klubunyň metbugat gullugy habar berýär. Hüjümçiniň klub bilen şertnamasy ýene bir möwsüm uzaltmak mümkinçiligi bilen bir ýyla niýetlenýär diýip, championat.com belleýär.
“Garet öz nesliniň iň bir dinamiki we özüne çekiji oýunçylarynyň biridir. Öz zehinini we tejribesini ýokary derejede görkezýän oýunçynyň geçmegi – bu klubumyzy kämilleşdirmek üçin ajaýyp mümkinçilik. Men Garetiň bu transferi amala aşyrmaga kömek eden wekillerine minnetdarlyk bildirýärin. Garet höwesli bolup, baýrak gazanmagy dowam etdirmek isleýär. Onuň bize goşulyp, çempionatda ýeňiş gazanmak maksadymyza ýetmekde kömek etmek kararyna gelendigine biz begenýäris” – diýip, “Los-Anjeles” klubunyň baş müdiri Jon Torrington belledi.
Ýatlap geçsek, geçen möwsümde Beýl ähli ýaryşlarda “Real” üçin ýedi duşuşyga gatnaşyp, bir gol geçirdi. Garet 2013-nji ýylda Londonyň “Tottenhem Hotspur” klubundan 101 mln ýewro geçip, “Patyşalyk klubunyň” oýunçysy boldy.