Modriç «Real» bilen täze şertnama gol çekişdi

  • 09.06.2022 17:31
  • 9.7k+
Modriç «Real» bilen täze şertnama gol çekişdi

Horwatiýanyň futbol boýunça milli ýygyndysynyň ýarym goragçysy Luka Modriç Madridiň «Realy» bilen şertnamasyny uzaltdy diýip, futbol klubunyň metbugat gullugyna salgylanýan interfax.ru ýazýar.  

Täze ylalaşyk 2023-nji ýylyň 30-njy iýunyna çenli hereket eder.
36 ýaşly Modriç «Reala» 2012-nji ýylda Londonyň «Tottenheminden» geçipdi. Ol Madridiň klubunyň düzüminde bäş gezek Çempionlar Ligasynda, dört gezek Ispaniýanyň Superkubogynda we klublaýyn dünýä çempionatynda, üç gezek Ispaniýanyň çempionatynda we UEFA-nyň Superkubogynda, bir gezek Ispaniýanyň Kubogynda ýeňiş gazandy. 
Modriç Horwatiýanyň ýygyndysynyň düzüminde 2018-nji ýylda Russiýada geçen dünýä çempionatynda kümüş medala eýe boldy. Şol ýylyň özünde hem «Altyn pökgä» mynasyp boldy.

 

“Barselonany” gyzyklandyran Niko Uilýams “Atletik” bilen şertnamany 2035-nji ýyla çenli uzaltdy
şu gün 06:21
584

“Barselonany” gyzyklandyran Niko Uilýams “Atletik” bilen şertnamany 2035-nji ýyla çenli uzaltdy

Bilbaodan “Atletik” futbol kluby ispaniýaly ýarymgoragçy Niko Uilýams bilen şertnamanyň möhletiniň uzaldylandygyny habar berdi. Täze şertnama 2035-nji ýylyň 30-njy iýunyna çenli hereket edýär. Bellenilişi ýaly, 22 ýaşly futbolçynyň şertnamany möhletinden ir ýatyryp, başga bir kluba geçmegi üçin tölemeli mukdar 50%-den gowrak ýokarlandy...

“Çelsi” 81 mln dollara braziliýaly hüjümçi Žoao Pedrony aldy
03.07.2025 23:14
7.5k+

“Çelsi” 81 mln dollara braziliýaly hüjümçi Žoao Pedrony aldy

Braziliýanyň milli ýygyndysynyň hüjümçisi Žoao Pedro “Braýton end Houw Albiondan” Londonyň “Çelsisine” geçdi. Bu barada klubuň saýtynda resmi taýdan yglan edildi. 23 ýaşly oýunçy bilen şertnama 2033-nji ýyla çenli hereket edýär...

Anhel Di Mariýa Ýewropadaky karýerasyny tamamlap, “Rosario Sentrala” gaýdyp bardy
03.07.2025 22:52
5.9k+

Anhel Di Mariýa Ýewropadaky karýerasyny tamamlap, “Rosario Sentrala” gaýdyp bardy

37 ýaşly argentinaly futbolçy Anhel Di Mariýa Ýewropadaky 18 ýyllyk karýerasyny tamamlaýandygyny we öz eziz kluby “Rosario Sentrala” gaýdyp barýandygyny habar berdi. Ýarymgoragçy professional karýerasyna bu klubda başlapdy...

ABŞ-da Klublaýyn dünýä çempionatynda 2 million bilet satyldy, oýunlara ortaça 35 müň tomaşaçy barýar
03.07.2025 18:15
6.6k+

ABŞ-da Klublaýyn dünýä çempionatynda 2 million bilet satyldy, oýunlara ortaça 35 müň tomaşaçy barýar

Klublaýyn dünýä çempionatynyň oýunlaryna satylan biletleriň umumy sany 2 milliona ýetdi. Ýaryşyň her oýnuna ortaça 35 müň tomaşaçy gelýär. Bu barada žurnalist Kawe Solekol habar berdi. Ýaryşyň iň köp tomaşaçy ýygnan oýny toparlaýyn tapgyrda «Pari Sen-Žermen» bilen «Atletikonyň» (4:0) arasyndaky duşuşyk boldy — bu oýna 80 819 adam tomaşa etdi...