Altyn sişenbe güni agşamky ýagdaý boýunça gymmatlamagyny dowam edýär, bu gymmatly metalyň troý unsiýasynyň bahasy 1800 dollardan ýokary bolmagynda galýar, muňa söwdalaşyklaryň maglumatlary şaýatlyk edýär.
Nýu-Ýorkuň Comex biržasynda altynyň iýun fýuçersiniň bahasy aşgabat wagty bilen 21.06-daky ýagdaýa görä, 3,11 dollar gymmatlady, ýa-da 0,13% - troý unsiýasy 1816,4 dollara çykdy. Kümşüň iýul fýuçersi 0,56% - unsiýasy 21,67 dollara çenli gymmatlaýar.
Ýaňy-ýakynda altynyň troý unsiýasy 1800 dollardan aşak düşenden soň, häzir ýene üç gün yzly-yzyna gymmatlamagyny dowam edýär.
Altynyň bahasynyň artmagyna, esasan, dollaryň arzanlamagy öz täsirini ýetirýär. Şeýlelikde, dollaryň indeksi (alty ýurduň - ABŞ-yň söwda hyzmatdaşlarynyň gyzyl pul sebedine kurs) 0,74%, 103,42 punkta çenli kemelýär. Dollaryň peselmegi altyna bolan islegi artdyrýar we ony beýleki beýleki walýutalara derek has elýeterli edýär.