Mohamed Salah Angliýada ýylyň iň gowy oýunçysy diýlip ykrar edildi

  • 02.05.2022 17:01
  • 7.1k+

“Liwerpulyň” müsürli hüjümçisi Mohamed Salah Futbol žurnalistleriniň assosiasiýasynyň (FWA) wersiýasyna görä, Angliýanyň futbolynda 2021/22-möwsüminiň iň gowy oýunçysy diýlip ykrar edildi. Bu barada guramanyň resmi saýtynda habar berilýär.

Žurnalistleriň pikir soraşmasynda Salah 48% ses alyp, “Mançester Sitiniň” ýarym goragçysy Kewin de Brýoýne bilen “West Hemiň” hawbeki Deklan Raýsdan öňe geçdi. Olar pikir soraşmada ikinji we üçünji orunlary eýelediler.

FWA Salahy 2018-nji ýylda-da iň gowy oýunçy diýip saýlapdy. Häzirki möwsümde Salah “Liwerpul” üçin dürli ýaryşlarda 44 oýunda 30 gol girizip, 14 netijeli geçirim etdi.

Zenanlaryň arasyndaky futbolda ýylyň iň gowy oýunçysy “Çelsiniň” hüjümçisi Sem Kerr boldy. Salaha we Kerre baýraklar 5-nji maýda gowşurylar.

Žurnalistleriň wersiýasyna görä Angliýanyň futbolynda ýylyň iň gowy oýunçysy üçin baýrak 1947/48-möwsüminden bäri berilýär. Geçen möwsümde ony “Mançester Sitiniň” goragçysy Ruben Diaş aldy.


10.07.2025 20:55
7.1k+

UEFA klub ýaryşlarynyň pleý-off tapgyryna üýtgeşmeleri girizdi

2025/2026 möwsüminde UEFA-nyň klub ýaryşlarynda pleý-off tapgyryna degişli täze üýtgeşmeler güýje girer. AS neşiriniň habar bermegine görä, indi Çempionlar ligasynda, Ýewropa ligasynda we Konferensiýalar ligasynda öýdäki we myhmançylykdaky oýunlaryň geçiriliş tertibi bije çekişme arkaly däl-de, toparlaryň toparlaýyn tapgyryň umumy tablisasynda eýeleýän orunlary bilen kesgitlener...

10.07.2025 18:17
10k+

FIFA milli ýygyndylaryň reýtingini täzeledi: Türkmenistan iki orun ýokary galdy

Türkmenistanyň milli futbol ýygyndysy Halkara futbol federasiýasynyň (FIFA) täzelenen reýtinginde iki orun ýokary galdy. Indi topar 1092,4 bal (+16,27) bilen 140-njy orny eýeleýär. Türkmenistanyň milli ýygyndysyna sanawdaky ornuny ýokarlandyrmaga 2027-nji ýylda geçiriljek Aziýanyň kubogynyň saýlama ýaryşynyň oýnundaky ýeňiş kömek etdi: 10-njy iýunda topar Tailandyň milli ýygyndysyny 3:1 hasabynda utdy...

10.07.2025 14:09
12k+

Karlo Ançelotti salgyt tölemändigi üçin bir ýyl tussaglyga höküm edildi

Madridiň Ýokary kazyýeti Madridiň “Realynyň” öňki baş tälimçisi Karlo Ançelottini salgyt tölemändigi bilen bagly iş boýunça bir ýyl tussaglyga höküm etdi. Bu barada kazyýet çözgüdiniň tekstine salgylanyp, TASS habar berýär...

10.07.2025 14:06
4.5k+

Apellýasiýa kanagatlandyryldy: «Liona» Fransiýanyň 1-nji Ligasynda galmaga rugsat berildi

Fransiýanyň «Lion» futbol kluby ýurduň çempionatynyň ýokary ligasynda galmagy başardy. Milli administratiw gözegçilik departamentiniň (DNCG) topary 2-nji Liga düşürmek baradaky kararyna garşy berlen apellýasiýa kanagatlandyryldy...