Meta ABŞ-da wirtual hakykat üçin harytlar bilen ilkinji oflaýn dükanyny açar

Meta ABŞ-da wirtual hakykat üçin harytlar bilen ilkinji oflaýn dükanyny açar

Meta korporasiýasy önümlerini satmak üçin Kaliforniýada Meta Store dükanyny açar. Bu barada CNN teleýaýlymy habar berdi.

9-njy maýda açyljak dükan alyjylara kompaniýanyň harytlaryny janly görmäge we wirtual hakykat bilen baglanyşykly önümleri barlamaga mümkinçilik berer. Häzirlikçe Meta Store-iň diňe bir bölümi açylar.

Meta wirtual hakykat bilen programma üpjünçiligi üçin çalt ösýän garnitura bazarynda liderleriň biridir. 2021-nji ýylda kompaniýa 11 mln töweregi VR garniturasyny satdy. Mundan başga-da, korporasiýa wideo aragatnaşyk üçin  gurluşlary we üsti ýetirilen hakykat funksiýasy bilen “akylly” äýnekleri satýar.